Friday, July 1, 2011

മുട്ട റോസ്റ്റ്

ആവശ്യമുള്ള സാധനങ്ങള്‍
1. മുട്ട- 5
2. സവാള-  3 എണ്ണം
3. പച്ചമുളക് - 2 എണ്ണം
4. വെളുത്തുള്ളി - 2 അല്ലി 
5. മുളകുപൊടി - 1ടി.സ്പൂണ്‍
6. മല്ലിപൊടി - 1 ടി.സ്പൂണ്‍
7. മഞ്ഞള്‍പൊടി - അര ടി.സ്പൂണ്‍
8. മസാല - അര ടി.സ്പൂണ്‍ 
9. ഉപ്പു, കറിവേപ്പില - ആവശ്യത്തിനു 

തയ്യാറെടുപ്പ് 

മുട്ട പുഴുങ്ങി തോടുകളഞ്ഞു വെയ്ക്കുക. സവാള കുറുകെ  മുറിച്ചു  ചെറുതായി അരിയുക. പച്ചമുളക്, വെളുത്തുള്ളി  എന്നിവ നീളത്തില്‍ അരിയുക.പെരുംജീരകം അല്ലെങ്കില്‍  ഗരം മസാലപൊടി തയ്യാറാക്കുക.
പാകം ചെയ്യുന്ന വിധം

ചീനച്ചട്ടിയില്‍ എണ്ണ ഒഴിച്ച്  കടുക് വറുക്കുക.അതിലേക്കു 2-4 വരെയുള്ള ചേരുവകള്‍ ഇട്ടു വഴറ്റുക. ഉള്ളി വഴന്നു തുടങ്ങുമ്പോള്‍ മുളകുപൊടി, മല്ലിപൊടി, മഞ്ഞള്‍പൊടി, ഉപ്പു എന്നിവകൂടി ചേര്‍ത്ത് വഴറ്റുക. ഉള്ളി വഴന്നു കഴിയുമ്പോള്‍ വെള്ളം ചേര്‍ത്ത് വേവിക്കുക. വെന്തുകഴിയുമ്പോള്‍ മസാല ചേര്‍ക്കുക. മുട്ടകൂടി ചേര്‍ത്തിളക്കി ചെറുതീയില്‍ 2 മിനിറ്റ് വെച്ചിരുന്നിട്ടു അടുപ്പില്‍നിന്നു ഇറക്കിവെയ്ക്കുക.