മഷ്രൂം മസാല

ആവശ്യമുള്ള സാധനങ്ങള്‍
1. മഷ്രൂം - 200 ഗ്രാം
2. സവാള - 75 ഗ്രാം   
3. പച്ചമുളക് - 2 എണ്ണം
4. വെളുത്തുള്ളി - 4 അല്ലി
5. ഇഞ്ചി - ഒരു ചെറിയ കഷണം 
6. മുളകുപൊടി - അര സ്പൂണ്‍
7. മല്ലിപൊടി - 1 സ്പൂണ്‍
8. മഞ്ഞള്‍പൊടി - കാല്‍ സ്പൂണ്‍
9.കുരുമുളകുപൊടി - അര സ്പൂണ്‍
10. മസാല - അര സ്പൂണ്‍ 
11.ഉപ്പ്, കറിവേപ്പില - ആവശ്യത്തിന്
തയ്യാറെടുപ്പ്
സവാള ചെറിയ ചതുര കഷണങ്ങളാക്കി അരിയുക. പച്ചമുളക്, വെളുത്തുള്ളി, ഇഞ്ചി  എന്നിവ  ചെറുതായി അരിയുക. കുമിള്‍ വൃത്തിയാക്കി അരിഞ്ഞു വെയ്ക്കുക.
പാകം ചെയ്യുന്ന വിധം
ചീനച്ചട്ടി അടുപ്പത്തു വെച്ചു കടുക് വറുക്കുക.  പച്ചമുളക്, ഉള്ളി, ഇഞ്ചി, വെളുത്തുള്ളി, കറിവേപ്പില ഇവകൂടി വഴറ്റുക. അതിലേക്കു കുമിള്‍ ചേര്‍തു വഴറ്റുക. 6 മുതല്‍ 9 വരെയുള്ള ചേരുവകള്‍ ചേര്‍ത്ത് വഴറ്റുക. ഉപ്പും കുമിള്‍ വേവാന്‍ ആവശ്യമായ വെള്ളവും ചേര്‍ത്തിളക്കി വെയ്ക്കുക. തിളയ്ക്കുമ്പോള്‍ മസാലയും ചേര്‍ക്കുക. കറി കുറുകി പാകമാകുമ്പോള്‍ കറിവേപ്പിലയിട്ട് അടുപ്പില്‍നിന്ന് ഇറക്കി വെയ്ക്കുക.