പരിപ്പ് കറി

ആവശ്യമുള്ള സാധനങ്ങള്‍
1. ചെറുപയര്‍  പരിപ്പ് - 250 ഗ്രാം 
2. തേങ്ങ - ഒരു മുറി 
3. ഉള്ളി - 100 ഗ്രാം
4. പച്ചമുളക് - 3
5. മഞ്ഞള്‍പൊടി - അര ടി.സ്പുണ്‍ 
6. വെളുത്തുള്ളി - 5 അല്ലി
7. ജീരകം - അര ടി.സ്പുണ്‍
8.  നെയ്യ് - അര ടി.സ്പുണ്‍
9. ഉപ്പു,  കറിവേപ്പില - പാകത്തിന് 
തയ്യാറെടുപ്പ്  
ഉള്ളി, പച്ചമുളക് എന്നിവ ചെറുതായി കനംകുറച്ചു അരിഞ്ഞുവെക്കുക. ചേരുവകള്‍  2, 5,6,7 എന്നിവ  നന്നായി അരച്ചുവെക്കുക. 
പാകം ചെയ്യുന്ന വിധം
ഒരു മഞ്ചട്ടിയില്‍ പരിപ്പ് കഴുകി എടുക്കുക. ഉള്ളി, പച്ചമുളക്, കറിവേപ്പില ഇവ ചേര്‍ക്കുക.  പരിപ്പ് വേവാന്‍ ആവശ്യത്തിനു വെള്ളമൊഴിച്ച് ചട്ടി അടുപ്പത്തു വെക്കുക.  പരിപ്പ്  വെന്തു കഴിയുമ്പോള്‍ അരപ്പ് ചേര്‍ത്ത് ഉടയ്ക്കുക. പാകത്തിന് ഉപ്പും, വെള്ളവും ചേര്‍ത്ത് തിളപ്പിക്കുക. പരിപ്പ് കുറുകിയിരിക്കണം. തിളച്ചുകഴിയുമ്പോള്‍ അടുപ്പില്‍ നിന്നിറക്കി വെയ്ക്കുക. നെയ്യ് ചേര്‍ക്കുക.  ഒരു പാത്രത്തില്‍ കടുക് വറുത്തു കറിയില്‍ ചേര്‍ക്കുക.